Mga Asylum Attorney

Isang legal na konsepto na ginagamit upang protektahan ang mga taong takot bumalik sa kanilang bansa dahil sa sila’y pinag-usig doon o naniniwala silang pag-uusigin sila sa hinaharap. Ito ay may mahalagang legal na kahulugan.

Ito ay isa sa mga pinakamahalagang konsepto na inaalok ng Estados Unidos ayon sa aming mga immigration asylum attorney.

Ang asylum ay ang kahilingan ng isang tao, na lumisan sa kaniyang bansa at nasa Estados Unidos, na humihiling sa pamahalaan ng proteksiyon dahil siya ay pinag-uusig o pag-uusigin sa kaniyang bansang pinagmulan o tinitirhan dahil sa kaniyang pulitikal na opinyon (o inaakalang pulitikal na opinyon), relihiyon, kasarian, nasyonalidad, o dahil siya ay kabilang sa isang partikular na pangkat ng lipunan.

Mangyaring tandaan na ang pag-uusig para sa mga legal na layunin ay isang seryosong bagay na hindi lang basta pangha-harass.

Upang malaman kung ang inyong kaso ay isang kaso kung saan maaaring mag-file ng aplikasyon para sa asylum, makipag-usap sa aming mga makaranasang Asylum Attorney

Ang asylum ay isang mahalagang konsepto, PERO ITO RIN ANG ISA SA MGA PINAKAMAHIRAP NA MAKAMIT NA BENEPISYO SA IMIGRASYON. Dahil dito, bago mag-file ng aplikasyon para sa asylum sa Estados Unidos, siguraduhing makipag-usap muna sa mga immigration asylum attorney na humawak na ng mga kaso ng asylum sa Imigrasyon at sa mga Korte ng Imigrasyon.

MAHALAGA: KUNG MAGPA-FILE KAYO NG APLIKASYON PARA SA ASYLUM AT HINDI KAYO NASA TAMANG KATAYUAN (ANG INYONG PANANATILI SA U.S. AY NAG-EXPIRE NA), KAYO AY MAPAPAILALIM SA MGA PROSESO NG PAGDINIG PARA SA REMOVAL AT KAILANGAN NINYONG IHARAP ANG INYONG KASO SA HARAP NG ISANG HUKOM SA IMIGRASYON.

Tanungin ang aming mga immigration asylum attorney tungkol sa MGA DAHILAN PARA HUMILING NG ASYLUM

Pulitikal na Opinyon:
Kung mayroon kayong partikular na pulitikal na ideolohiya, sinubukan itong ipahayag sa inyong bansang pinagmulan, at dahil sa opinyong iyon, ang pamahalaan o isang indibidwal na malamang hindi kokontrolin o hindi nais kontrolin ng pamahalaan, ang umusig sa inyo o uusig sa inyo kapag kayo ay nagbalik, kung gayon ay maaari kayong maging kuwalipikado na mag-aplay para sa asylum batay sa ganitong saligan.
Relihiyon:
Kung kayo ay pinag-usig dahil sa inyong mga relihiyosong pananaw o kung sa tingin ninyo ay maaaring pag-usigin kayo sa hinaharap sa sariling bansa ninyo, maaaring maging kuwalipikado kayo para sa asylum at dapat ninyong talakayin ito sa inyong attorney.
Lahi:
Ang kulay ng balat at anyo ng isang tao ay hindi dapat maging batayan upang husgahan, lalo na ang pag-usigin ang mga tao. Kung ito ay isang problema sa inyong bansa at kayo ay pinag-usig dahil sa inyong lahi, maaari ninyong isaalang-alang ang pagpa-file ng aplikasyon sa ilalim ng kategoryang ito ng tulong.
Nasyonalidad:
Kung kayo ay galing sa isang partikular na bansa at kayo ay inaapi dahil sa inyong bansang pinagmulan, dapat kayong makipag-usap sa abogado ninyo kung kayo ay natatakot na bumalik dahil sa pang-aaping iyon.
Partikular na Pangkat ng Lipunan:
Ito ay mas komplikadong larangan ng batas. Ito ay may kaugnayan sa mga pangkat sa loob ng isang partikular na bansa o lipunan na kinikilala at pinag-uusig dahil sa parehong dahilan. Halimbawa, ang mga bakla o tomboy sa ilang mga bansa ay pinag-uusig dahil sa kanilang seksuwal na oryentasyon. Ito ay isang partikular na pangkat ng lipunan.
Mahalaga: Dapat ninyong ipakipag-usap ang anumang dahilan kung bakit kayo ay takot na bumalik sa inyong bansa o kung bakit kayo umalis noong umpisa upang masuri ng abogado ninyo kung maaari kayong mag-aplay dahil sa batayang ito.

Tanungin ang aming mga immigration asylum attorney tungkol sa MGA URI NG ASYLUM

Ang mga kaso ng asylum ay maaaring hatiin sa proactive o defensive na mga kaso. Ang proactive na mga kaso ay mga kasong ipina-file ng isang tao nang direkta sa USCIS (Imigrasyon).

Ang mga kasong ito ay hindi nagsasangkot ng deportasyon at iniharap sa USCIS ang kaso ng tao. Kapag nagpa-file ng kaso, ITO ANG PANAHON NA KAILANGAN NINYONG MAHUSAY NA IPRESENTA ANG INYONG KASO. Ibig sabihin nito, dapat ninyong maingat na suriin ang inyong ipinipresenta at tiyakin na ito ay isang legal na kaso na puwedeng isampa – hindi isang imbento lamang at may mga katotohanan kung saan ang asylum ay maaaring ipagkaloob.

Hindi ibig sabihin na dahil takot kayong bumalik sa anumang dahilan o pumasa kayo sa credible fear interview ay makakakuha kayo ng asylum.

Ang defensive na mga kaso ng asylum ay mga kasong inihaharap ng isang tao na dini-deport mula sa Estados Unidos upang maiwasan na pauwiin pabalik sa kaniyang bansa.

Ang mga kasong ito ay inihaharap sa hukom sa imigrasyon at sumusunod sa parehong mga patakaran ng mga kaso na inihaharap sa USCIS. Ang pagkakaiba dito ay ang inyong kaso ay diringgin ng isang Hukom at isang Trial Attorney na kumakatawan para sa ICE. Sa ibang salita, ito ay magiging iba kaysa sa aplikasyon sa defensive na kaso na tanging diringgin ng isang credible fear officer.

Tandaan na palaging gamitin ang mga abogado na maaaring magrepresenta sa inyo sa korte. Ang mga notaryo, “kaibigan,” o paralegal ay hindi maaaring lumitaw sa harap ng Korte at hindi maaaring magrepresenta sa inyo sa inyong kaso. Ito ay isang MALAKING problema.

Sa wakas, tandaan na ang lahat ng kaso ay dapat i-file sa loob ng isang taon mula sa pagpasok ng isang tao sa Estados Unidos. Kung nais ninyong mag-file pagkatapos ng nasabing panahon, dapat ninyong patunayan na halos imposible na mag-file noong panahon mula sa inyong pagdating hanggang sa pagpa-file ng inyong kaso.

Tandaan na palaging kumonsulta sa isang abogado kapag may kinalaman sa isang kaso ng asylum.

Kung ang inyong kaso ng asylum ay hindi pinaboran, maaari kayong mag-apela sa Board of Immigration Appeals. Alamin kung paano mag-apela ng inyong kaso, dito.

Kontakin kami ngayon

907-770-0909

Kung ito ay isang emergency may kaugnayan sa imigrasyon (Kayo o isang miyembro ng pamilya ninyo ay na-detain o malapit nang i-deport) mag-text sa amin dito anumang oras.

Tandaan na kayo at ang inyong pamilya ay may mga karapatan, ngunit gayundin ang lahat ng opisyal ng gobyerno – ang pagiging magalang at mabait ay magiging kapaki-pakinabang sa pagpapaalam sa mga opisyal ng ICE na nais ninyong magkaroon ng abogado na presente sa anumang interogasyon.